تاند(یکشنبه، د عقرب ۱۱) د ترکیې ازمیر ښار کې د وروستۍ زلزلې د قربانیانو شمېر ۵۱ تنو ته رسېدلی دی.
د ترکیې د ولسمشر مرستیال نن د دغې زلزلې په اړه وروستي معلومات له رسنیو سره شریک کړي دي.
هغه ویلي چې د ترکیې په لویدیځ ازمیر ښار کې د شوې زلزلې له امله ۵۱ کسان مړه شوي او تر ۶۰۰ ډېر نور ټپیان دي.
د یادونې ده چې د تېرې جمعې په ورځ وروسته له غرمې د ترکیې لویدیځ ازمیر ښار د ۶.۶ ریښتر په اندازه زورورې زلزلې ولړزاوه چې د وروستیو معلوماتو له مخې لږ تر لږه شل ودانۍ یې نړولې دي.