تاند ( دوشنبه، د عقرب ۵) د روڼتیا څاربنسټ مسولان وایي، په داسې حال کې چې حکومت د ښاري خدمتونو د ښه والي خبره کوي خو د دوی موندنې ښیي چې په ښارونو کې د ښاروالیو خدمات کمرنګه دي.
د دغه بنسټ له لوري ترسره شوې نظرپوښتنه ښیي، چې کابل ښاروالي له ۱۳۹۴ کال راهیسي نه دا چې ښه شوې نه ده بلکې په ترسره شوې نظرپوښتنه کې یې د خدمتونو کچه هم له ۲،۲ څخه ۲،۱ سلنې ته ټیټه شوې ده.
د نظرپوښتنې پر بنسټ په ټولیزه توګه له ۱۳۹۶ کال راپدېخوا د ښاروالیو له لوري ترسره کېدونکي خدمات او په ټوله کې ښاري حکومتداري په نشت حساب ده.
یاد بنسټ داسې مهال د کابل په ښاروالۍ نيوکه کوي، چې تېره چهارشنبه د میزان په ۳۰ مه د ولسمشر د لومړي مرستیال امرالله صالح په مشرۍ د کابل ښار د امنیت او نظم راوستو په موخه په جوړه شوې څلورمه ناسته کې د کابل ښاروالۍ ته امر شوی وو، چې د ښار د نظافت لپاره ښارکې شته تشنابونه پر وخت پاک او نور نوي تشنابونه جوړ کړي.
https://taand.net/%d8%a7%d9%85%d8%b1%d8%a7%d9%84%d9%84%d9%87-%d8%b5%d8%a7%d9%84%d8%ad%d8%9b-%da%9a%d8%a7%d8%b1%d9%88%d8%a7%d9%84%db%8d-%d8%aa%d9%87-%d9%be%d9%87-%da%a9%d8%a7%d8%a8%d9%84-%da%9a%d8%a7%d8%b1-%da%a9%db%90/
د يادونې ده چې دهېواد په ګڼو ولایتونو کې د ښاروالیو پر فعالیتونو نیوکې شتون لري.
عام خلک وایي د ښاروالۍ د نوم په اخیستو یې ذهن ته د فساد خبره راځي او همدا لامل دی چې خلک هم په ښارواليو باور نه لري.
دا به ریښتیا وی چی ښاری حکومتولی په نشت حساب ده ولی مهمه او اساسی خبره د افغانستان دروڼتیا د څار دبنسټ دی چی دوی په خپله تر غوږو پوری په فساد کی غرق دی. که څوک شواهد غواړی زه ورته وړاندی کوم.