تاند (دوشنبه، د عقرب ۵) د ولسي جرګې لومړی مرستیال میرزا کټوازی وایي، چې د دغې جرګې دایمي کمېسیونونه د حکومت له لوري د ور پېژندل شویو نوماند وزیرانو د اسنادو په څېړلو بوخت دي.
د کټوازي په خبره ولسي جرګه به هغو نوماند وزیرانو ته د باور رایه ورنه کړي چې اسناد یې ستونزې ولري.
هغه پر ارګ نیوکه کړې او ویلي یې دي چې د چارو ادارې څو مشخصو څېرو د هېواد ټولې چارې یرغمل کړې دي.
کټوازي د خپلو خبرو په دوام د هېواد په یو شمېر ولایتونو کې شوي بریدونه غندلي او دغه راز یې د کابل-غزني لویې لارې پر نا امنیو اندېښنه څرګنده کړې او له حکومت څخه یې د یادې لارې د امنیت ټینګښت غوښتنه کړې ده.
له ۸ میاشتني ځنډ وروسته ارګ د تېرې چهارشنبې په ورځ ولسي جرګې ته د کابینې د وزیرانو نوملړ ور معرفي کړ.
https://taand.net/%d9%88%d9%84%d8%b3%d9%85%d8%b4%d8%b1-%d8%ba%d9%86%d9%8a-%d9%86%d9%86-%d9%88%d9%84%d8%b3%d9%8a-%d8%ac%d8%b1%da%ab%db%90-%d8%aa%d9%87-%d8%af-%d8%a8%d8%a7%d9%88%d8%b1-%d8%b1%d8%a7%db%8c%db%90-%d8%af/