تاند ( یک شنبه، د عقرب ۴) یونسیف يا د ماشومانو د ملاتړ نړیوال صندوق په کابل کې د تېرې ورځې برید ستر بشري جنایت بللی دی.

د یونسيف مشرې په یوه خپره کړې اعلامیه کې ویلي، چې له دې خونړي برید سخته اغېزمنه شوې ده او هغه په کلکو ټکو غندي.

د نوموړې په وینا پر ماشومانو او زده کوونکو برید د بشر ستر جنایت دی چې بښل کېږي نه او عاملین یې باید محاکمه کړل شي.

سرچینې په افغانستان کې پر ښکېلو لورو غږ کړی، چې د جګړې قوانینو او د بشري حقونو نړیوالو قوانینو ته درناوی وکړي او له ورته ظالمانه کړنو لاس په سر شي.

دغه برید د ملګرو ملتونو تر څنګ ګڼو نورو نړیوالو ادارو او بنسټونو هم غندلی دی.

https://taand.net/%d8%af-%da%a9%d8%a7%d8%a8%d9%84-%d8%af-%d8%aa%db%90%d8%b1%db%90-%d9%88%d8%b1%da%81%db%90-%d9%be%d9%87-%d8%a8%d8%b1%db%8c%d8%af-%da%a9%db%90-%d8%af-%d9%85%d8%b1%da%ab-%da%98%d9%88%d8%a8%d9%84%db%90/