تاند (چهارشنبه د میزان ۲۳) د ډېورنډ فرضي کرښې پورې غاړه باجوړ کې د پاکستاني پوځیانو پر یوه پوسته وسله وال برید شوی دی.
د پاکستاني رسنیو د راپورونو له مخې په دې برید کې دوه پوځیان وژل شوي او دوه نور ټپیان دي.
باجوړ کې د پاکستاني پوځ چارواکي بابر افتخار په خبره نن سهار په یاده سیمه کې د پوځ پر یوه پوسته برید شوی چې دوه پاکستاني پوځیان پکې وژل شوي دي.
په ورته وخت کې د پاکستان پوځ هم په باجوړ کې د پوځیانو پر پوسته برید تایید کړی، خو ویلي یې دي چې په دې پېښه کې یوازې یو پوځي وژل شوی دی او یو بل ټپي دی.
Terrorists fired from across on #Pakistan Army post along PAK- Afg Border in #Bajaur. Resultantly Havaldar Tanveer embraced Shahadat while one soldier got injured. pic.twitter.com/1RqzEjqWzE
— DG ISPR (@OfficialDGISPR) October 14, 2020
د پوځ په خبرپاڼه کې دغه راز راغلي چې ترهګر تر برید وروسته افغان خاورې ته پناه وړې ده.
د کارپوهانو په وینا پاکستان ځکه افغان خاورې ته د ترهګرو د اوښتو مسئله یادوي، چې دا هېواد غواړي د ډیورنډ فرضي کرښې په اوږدو کې خپلو تحرکاتو ته توجیهات پیدا کړي.