تاند (سه شنبه د میزان ۸) د افغانستان لپاره د پاکستان ځانګړی استازی محمد صادق وايي، د پاکستان کابینې د افغانانو لپاره د ویزو د صادرولو نوی طرزالعمل تصویب کړ.
محمد صادق په خپله ټوېټر پاڼه لیکلي، ددې تګلارې له مخې افغانان کولی شي پاکستان ته د څو ځلې تګ ویزو په ترلاسه کولو سربیره د اوږد مهال لپاره د سوداګرۍ، پانګونې او زدکړې ویزې هم په اسانۍ سره ترلاسه کړي.
نوموړي زیاته کړې په دې نوې تګلاره کې د روغتیايي وېزې یوه نوې کټګوري د ناروغانو لپاره هم زیاته شوې، چې له مخې به یې ناروغانو او ناروغ لرونکو ته د تورخم په څېر سیمو کې ویزې په اسانه ورکړل شي.
Cabinet has approved new Visa Policy for Afghan citizens. Acquiring visas will be easy for Afghan visitors with multiple entry visit visas and long term business, investmemt and student visas. A new category of health visa is also introduced which will be issued on border.
— Mohammad Sadiq (@AmbassadorSadiq) September 29, 2020
د صادق خان د معلوماتو له مخې ددې کړنلارې په اساس ټاکل شوې په افغانستان کې د پاکستان سفارت او قونسلګري سمدلاسه د ویزو ورکړه بیا پیل کړي.