تاند (پنج شنبه، د میزان ۳) د افغانستان د صرفیانو سراسري اتحادیې په ټول هیواد کې اعتصاب پيل کړ.
یادې اتحادیې مسولان وایي، چې دا اعتصاب په مزارشریف کې د صرافانو د اتحادیې د مشر عبدالقیوم رحیمي د تښتولو په غبرګون کې پیل کړی دی.
دوی وایي، په دغه اعتصاب کې به په کابل، هرات، مزارشریف، کندهار او جلال اباد کې د صرافیو مارکیټونه تړلې وي.
صرافان له حکومت څخه غواړي، چې د دوی امنیت ته جدي پاملرنه وکړي.
په مزارشریف کې د صرافانو د اتحاديې مشر حاجي عبدالقیوم تیره دوشنبه وسله والو کسانو تښتولی خو تراوسه یې لا درک نه دی معلوم شوی.
بل لورته امنیتي مسولین وایي، دوی یې د پلټلو هڅه پيل کړې ده.