تاند(پنج شنبه، د سنبلې ۲۷) د ملي دفاع وزارت وایي، افغان امنیتي ځواکونو په تېرو شپږو میاشتو کې څلور زره ۷۷۶ ماینونه شنډ کړي دي.
د ملي دفاع وزارت لومړی مرستیال شاه محمود میاخېل وايي، افغان امنیتي ځواکونو په تېرو شپږو میاشتو کې د هیواد په بېلابېلو سیمو کې څلور زره او ۷۷۶ مختلف ماینونه شنډ کړي دي.
نوموړي په خپله ټویټر پاڼه لیکلي:
فرض کړی که د دې هر ماین چاودنې یو کس وژلی وای، د دې ماینونو په شنډولو سره د څلور زره ۷۷۶ کسانو د مرګ مخه نیول شوې ده.
د یادونې ده چې د ځای پر ځای شویو ماینونو د چاودنې ډېری قربانیان ملکي وګړي وي.