تاند(سه شنبه، د سنبلې ۲۵) طالبانو تېره شپه د لوګر ولایت د برهکي برک ولسوالۍ د ولسوال پر کور برید کړی او د هغه یو ورور او یو ساتونکی یې وژلي دي.
د برهکي برک ولسوال احمد ویس عبدالرحیمزي له رسنیو سره په خبرو کې ویلي، وسلهوالو طالبانو تېره شپه ناوخته د نوموړي په کور برید کړی چې په پایله کې یې یو ورور او ساتونکی وژل شوي او یو ورور یې ټپي شوی.
د برهکي برک د ولسوال کور د لوګر ولایت د محمداغه ولسوالۍ د ګمران په سیمه کې موقعیت لري.
وسلهوالو طالبانو تراوسه په دې اړه څه نه دې ویلي.