تاند، سه شنبه د سنبلې ۱۸مه: د ننګرهار ولایتي چارواکي وايي، جلال اباد ښار کې ۱۶۰ قلمه تاریخي اثار کشف شوي دي.
د ننګرهار ولایت د رسنیو له دفتره په خپره شوې خبرپاڼه کې راغلي چې دا تاریخي اثار یې د جلال اباد ښار اړوند سبزاباد غونډۍ کې د کیندنو په پایله کې تر لاسه کړي دي.
د خبرپاڼې د معلوماتو له مخې دا تاریخي اثار د اسلامي، کوشاني او بودایي دورو سره تعلق لري.
سرچینه زیاتوي یاد تاریخي اثار یې د ننګرهار اطلاعاتو او فرهنګ ریاست ته سپارلي دي.
د تاریخي ابداتو او لرغون پيژندنو مسئولین وايي، ښايي د سبزاباد ساحه کې نور تاریخي اثار هم شتون ولري.
په خبرپاڼه کې د ننګرهار د اطلاعاتو او فرهنګ رئیس رحيم الله خوږياڼي په حواله راغلي، دوی غواړي په دې ساحه کې د تاریخي اثارو کیندنو او پلټنو ته دوام ورکړي.
د خوګیاڼي په خبره تر اوسه په ختیځ کې موزیم نشته چې دوی یې د جوړېدو هڅې کوي.
خوګیاڼی صاحب ، په نړۍ کې هر هېواد ، هر ولایت او اکثرا ولسوالۍ یا ناحې خپل موزیمونه لري . لطفا د خپل ولایت د تاریخي آثارو د ساتلو او د افغانستان د نورو ولایتونو مېلمنو او نړیوالو ته د ښودلو لپاره وړاندې کړئ . هرکال به د یو معین مقدار عایداتو ترلاسه کولو ترڅنګ خپل کلتور او پخواني لرغوني آبدات ولس او نړیوالو ته معرفي کړئ .