تاند ( یک شنبه، د سنبلې ۱۶) د امریکا د بهرنیو چارو وزیرمایک پمپيو وایي، چې امریکایي سرتېرو په افغانستان کې جنګي جنایت نه دی کړی، بلکې د ازادۍ جګړه یې پرمخ وړې ده.
مایک پمپيو په تازه څرګندونو کې ویلي، چې د جرمونو د نړیوالې محکمې له غړو سره ځکه مرسته نه شي کولی، چې دوی د امریکایي سرتېرو په اړه غیر قانوني پلټنې کوي.
د پمپيو په خبره امریکایي سرتېرو په افغانستان کې جنګي جنایت نه دی ترسره کړی، بلکې په دغه هېواد کې یې د ازادۍ لپاره د ترهګرو پر وړاندې جګړه کړې ده.
د امریکا د بهرنیو چارو وزیر داسې مهال دغه څرګندونې کوي، چې د جرمونو نړیوالې محکمې امریکایي او نور بهرني سرتېري په افغانستان کې په جنګي جنایت تورن کړي دي.
یادې محکمې په دې اړه د پلټنو غوښتنه کړې ده.
ټول افغانان خو ترهګر ندي، پامپیو *** !