تاند، چهارشنبه د سنبلې ۱۲مه: افغان حکومت وايي د سولې په برخه کې د دوی له خوا ټول پراته خنډونه له منځه لرې شوي دي.

د افغانستان د ملي روغې جوړې عالي شورا ویاند فریدون خوځون وايي د افغانانو تر منځ د خپلمنځي خبرو د پیل لپاره ټول خنډونه له منځه وړل شوي دي.

ښاغلي خوځون په خپله فېسبوک پاڼه لیکلي، مذاکره کوونکي پلاوي دوحې ته د سفر لپاره پوره تیاری نیولی او ټاکل شوې ډېر ژر بین الافغاني خبرې په دوحه کې پیل شي.

د خوځون په خبره د بندیانو د تبادلې بهیر به ډېر ژر پای ته ورسېږي.

تر دې وړاندې نوموړي ویلي وو د بندیانو د تبادلې بحث پیل شوی او زیاته کړې ده چې ددې لړۍ له بشپړېدو وروسته به د مذاکراتو د پیل لپاره زمینه برابره شي.

په ورته وخت کې ځیني رسنیو خبر ورکړی چې د طالبانو له پاتې ۳۲۰ بندیانو شاوخوا ۲۰۰ هغه یې خوشې شوي او پاتې نور به د نن ورځې تر پایه خوشې شي.

https://taand.net/%d8%ad%da%a9%d9%88%d9%85%d8%aa-%d9%86%d9%86-%d8%af-%d8%b7%d8%a7%d9%84%d8%a8%d8%a7%d9%86%d9%88-%d9%be%d8%a7%d8%aa%db%90-%db%b1%db%b2%db%b0-%d8%aa%d9%86%d9%87-%d8%a8%d9%86%d8%af%db%8c%d8%a7%d9%86-%d8%ae/

د خوشې شویو طالب بندیانو د خلاصونو په هکله تر اوسه حکومت او طالبانو په رسمي توګه څه نه دي ویلي.