تاند ( جمعه، د سنبلې ۷) د هرات یو اوسېدونکو په یاد ولایت کې د نا امنیو د ډېرښت له امله نن په اعتراض لاس پورې کړی وو.
اعتراض کوونکي وایي دا چاره یې د دوو ډاکټرانو د اختطاف په غبرګون کې ترسره کړه.
دوی خبرداری ورکړی، چې که حکومت د تښتونې پېښو د مخنیوي لپاره اقدام ونه کړي عمومي اعتصاب به پیل کړي.
دوی وایي په دې ولایت کې په دې وروستیو کې امنیتي وضعیت خورا ډېر خراب شوی او حکومت یې باید غمه وکړي.
هرات یو له هغو ولایتونو دی، چې پکې د اختطاف او نورو جرمونو پېښې تر نورو ولایتونو ډېرې دي.
خو بل لورته د یاد ولایت امنیتي چارواکي د امنیت د ټینګښت ډاډ ورکوي.