تاند ( پنج شنبه، د سنبلې ۶) افغان ولسمشر محمد اشرف غني نن له غرمې مخکې د ملي دسترخوان پروګرام مالي سند لاسلیک کړ.

ولسمشر غني د دې سند د لاسلیک پرمهال وویل، چې حکومت په پام کې لري څو ۹۰ سلنه افغانان د ملي دسترخوان ترپوښښ لاندې راشي.

غني د خپلو خبرو پرمهال زیاته کړه، چې ملي دسترخوان صدقه نه، بلکې د خلکو د اساسي حقونو تامین دی او په خبره دا پروګرام به د اساسي قانون په چوکاټ کې عملي کیږي.

نوموړي وویل دا پروګرام د لومړي پړاو په ۱۲۳ او دویم پړاو په ۲۳۵ ولسوالیو په ۱۴ ښارونو او ۱۹ ولایتونوکې عملي کیږي.

ولسمشرغني وویل د دې ملي پروګرام د مدیریت ټولې چارې د کلیو د پراختیایي شوراګانو په لاس کې دی څو اړمنو کورنیو ته یې ورسوي.

ولسمشرغني د ملی دسترخوان مالي سند په داسې حال کې لاسلیکوي، چې ولسي جرګې د رایو په اکثریت دا پروګرام رد کړی دی.

https://taand.net/%d9%88%d9%84%d8%b3%d9%8a-%d8%ac%d8%b1%da%ab%db%90-%d8%af-%d8%b1%d8%a7%d9%8a%d9%88-%d9%be%d9%87-%d8%a7%da%a9%d8%ab%d8%b1%db%8c%d8%aa-%d8%af%d9%85%d9%84%d9%8a-%d8%af%d8%b3%d8%aa%d8%b1%d8%ae%d9%88%d8%a7/