تاند، دوشنبه د سنبلې ۳: د ولسمشر پخوانی مرستیال احمد ضیاء مسعود وايي، ولسمشر غني په دې وروستیو کې طالبانو ته د پنځوس فیصده ګډ حکومت د جوړېدو وړاندیز کړی دی.
په ښې حکومتولۍ کې د ولسمشر محمد اشرف غني پخواني مرستیال احمد ضیاء مسعود په خپله فېسبوک پاڼه لیکلي، په داسې حال کې د زمري پیکان او کرام الدین کریم د نیولو امر شوی چې کابل ښار د طالبانو په محاصره کې قرار لري.
ښاغلي مسعود لیکلي: “د اشرف غني او پیکان مخالفت له هغه وخت څخه پیل شوی چې غني واک ته نه وه رسېدلی. غني په ۲۰۱۴ کال د خپلې کاري دورې په پیل کې له پیکان څخه شکایت درلود او د څو امنیتي غونډو پر مهال یې د هغه وخت د کورنیو چارو له وزیر علومي څخه غوښتنه کړې وه چې د پیکان موضوع یوې خواته کړي.”
مسعود زیاته کړې، زمري پیکان طالبانو سره په مبارزه او هغوی ته د سزا په ورکړه کې شهرت درلود او دغه کار د اشرف غني نه خوښېده.
د نوموړي په خبره ولسمشر غني په دې وروستیو کې طالبانو ته د پنځوس فیصده ګډ حکومت د جوړېدو وړاندیز کړی.
هغه د حکومت له لوري د ۵۰۰۰ طالب بندیانو خلاصون دغې ډلې ته یو امتیاز بللی دی.
مسعود ویلي کیدای شي طالبانو د ۵۰ فیصده ګډ حکومت د جوړېدو لپاره نور امتیازات هم ورکړل شي. خو طالبانو تر اوسه له اشرف غني سره د ګډ حکومت د جوړېدو وړاندیز رد کړی دی.
دا په داسې حال کې ده چې حکومت د کرام الدین کریم د نیولو لپاره تېره شپه په پنجشېر کې عملیات تر سره کړل خو د ځايي خبریالانو په خبره چې د ولسي خلکو د لاسوهنې له امله ناکام پای ته ورسېدل.
https://taand.net/%d9%be%d9%86%d8%ac%d8%b4%db%90%d8%b1%da%a9%db%90-%d8%a7%d9%81%d8%ba%d8%a7%d9%86-%da%81%d8%a7%d9%86%da%ab%da%93%d9%8a-%da%81%d9%88%d8%a7%da%a9%d9%88%d9%86%d9%87-%d8%af-%da%a9%d8%b1%d8%a7%d9%85-%d8%a7/
بلخوا د کورنیو چارو وزارت خبر ورکړی چې د عامه نظم پولیسو پخوانی قومندان زمری پیکان یې پرون یکشنبه په کابل ښار کې نیولی دی.
https://taand.net/%da%a9%d9%88%d8%b1%d9%86%db%8c%d9%88%da%86%d8%a7%d8%b1%d9%88-%d9%88%d8%b2%d8%a7%d8%b1%d8%aa-%d8%af-%d8%b9%d8%a7%d9%85%d9%87-%d9%86%d8%b8%d9%85-%d9%be%d9%88%d9%84%db%8c%d8%b3%d9%88-%d9%be%d8%ae/
ښاغلی ولسمشر اشرف غنی دې ولس او خلکو ته خواست وکړی، چه دغه د ښځو جنسي ځورونکی (کرا م الدین کریم) په زور او زبردستی سره ددغه څو تنو لنډغرانو سره یو ځای د قانون منګولو ته وسپاری. ځکه که دغه بدعمله سړی ونه نیول شی، کیدایشی په پنجشیر کی په ځینو غریبو پنجشیریانو فامیلونو ورته عمل اجرا کړی.
د زمری پیکان نیول او محاکمه دحکومت کار دی. ضیاء مسعود یو بیسواده او بی سیاسته انسان دی، هغه ته څوک اجازه نه ورکوی چه د حکومت په چارو کی مداخله وکړی. ضیاء مسعود داسی بی واکه او ډارن انسان دی چه یوه میاشت د مخه خپلی کور ودانی دکور څخه شړلی وه، مګر دا څو ورځی کیږی چه د خپل اوښی(ربانی) په وسیله یی نیمګړی او نازکه سوله یا پخلاینه شویده.
پنځوس نه چې سل سلنه وړانديز ورته وکړي هم يې منو ځکه چې دا وطن ستا د پلار نه دی طالبان تر تاسو ډېر حق لري، يو وار لږ ارامي راشي تاسو ټولو غلامانو سره به سخت حساب کېږي. ان شاءالله
هغه دري متل دی چې وایی : خائین خایف است . خیانت کوونکی ډارن وي . د مسعودیانو واڼې تښتېدلي او مخ په پنجشیر ، خواجه بهاالدین او کولاب روان دي.