تاند (پنج شنبه، د اسد ۳۰) د خوړو نړیوال سازمان مسولان وایي، چې په افغانستان کې ۱۶ میلیونه وګړي لومړنیو بشري مرستو ته اړتیا لري.
په افغانستان کې د (WFP) استازولۍ ویلي، چې د کورونا له پراختیا سره هم مهاله په افغانستان کې بېکاري ډېره شوې ده.
یادې ادارې زیاته کړې، چې اوسمهال لومړنیو بشري مرستو ته د خلکو اړتیا ډېره شوې ده.
د خوړو د نړیوال سازمان ویاند وحید اماني وایي، چې اوس نږدې ۱۶ میلیونه افغانان لومړنیو بشري مرستو ته اړتیا لري.
د اماني په خبره کورونا ویروس له پراختیا سره هم مهاله په افغانستان کې نږدې ۴ میلیونه کسان بېکاره شوې دي.
دغه سازمان دغه راز له نړیوالو هم په دې برخه کې د مرستو غوښتنه کوي.
د اقتصادي چارو پوهان بیا وایي، که په هېواد کې د بیوزلو خلکو لاسنیوی ونه شي او د دې بحران مخنیوی ونه شي ښايي ډیرې ستونزې رامنځته شي.
په لوګو کې د نړۍ د روغتیا سازمان اوتاسو د خوړو نړیوال سازمان په اړه خبر خپور کړیدی .
ستاسو نیوکه بې ځایه نه ده خو د روغتیا نړیوال سازمان هم په ملګروملتو پورې تړاو لري