یکشنبه, جولای 21, 2024
Homeخبرونهپاکستان: د افغانستان حکومت او د هند استخبارات د پاکستاني طالبانو ملاتړ...

پاکستان: د افغانستان حکومت او د هند استخبارات د پاکستاني طالبانو ملاتړ کوي

تاند، پنجشنبه، د اسد ۳۰مه: پاکستان وايي د افغانستان حکومت او د هند حکومت استخباراتي کړۍ د دغه هېواد د طالبانو ملاتړ کوي.

پاکستاني چارواکو خبر ورکړی چې د پاکستان د طالبانو بېلابېلو ډلو په کونړ او ځینو نورو ولایتونو کې ناستې تر سره کړي او یو ځای شوي دي، چې ښايي د پاکستان لپاره ستر امنیتي ګواښونه راپورته کړي.

د پاکستان حکومت ادعا کوي، چې له دغو ډلو د افغانستان حکومت او دغه راز د هند استخبارات ملاتړ کوي.

تر دې وړاندې د افغانستان د ملي دفاع وزارت د پاکستاني حکومت هغه ادعاوې چې ګوندې د افغانستان حکومت له پاکستاني طالبانو ملاتړ کوي رد کړي دي او په بار بار یې ویلي چې د افغانستان له خاورې هېڅوک د ګاونډیو پر ضد ناوړه استفاده نشي کولی.

د افغانستان حکومت بیا د پاکستان ددې ادعاوو په مقابل کې ویلي، چې پاکستان د ترهرګرو د ملاتړ پخوانۍ سابقه لري او اوس هم هماغه پخوانۍ کړنې تر سره کوي، ترهګر روزي او پټنځایونه یې هم په همدې هېواد کې دي.

د افغانستان حکومت تل د پاکستاني چارواکو ادعاوې بې بنسټه بللي او زیاته کړې یې ده چې پاکستان تل ددغې پدیدې څخه خپلو موخو ته د رسېدو لپاره ګټه پورته کوي.

1 COMMENT

  1. د تاند د اداری نه محترمانه هیله کیږی چی دا ډول خبرونه نشر نکړی ځکه دښمن هر ډول تور لګولی شی نو ضروری نده چی د دښمن تور زموږ په پاڼو کی خپور شی ایا کله مو لیدلی چی د جمهور ریس د پاکستان ضد بیان مو په پاکستانی ورځپاڼو یا برښنای پاڼو کی لیدلی نو هیله ده چی دا خبر لدی صفحی ښکته کړی

LEAVE A REPLY

Please enter your comment!
Please enter your name here

- Advertisment -

ادب