تاند ( شنبه، د اسد ۲۵) د ایران د بهرنیو چارو وزارت د ملګرو ملتونو د امنیت شورا پر نوې پرېکړه سخت غبرګون ښودلی.
یاد وزارت د ملګرو ملتونو امنیت شورا وروستۍ پرېکړه امریکا ته سخته ماته یادوي.
دوی وایي: « دا چې د ملګرو ملتونو امنیت شورا د امریکا پرېکړه لیک ته مثبته رایه ور نه کړه د امریکا لپاره ستره ماتې ده».
د ایران د بهرنیو چارو وزیر جواد ظریف وایي د امنیت شورا پرېکړه ثابتوي، چې امریکا نور په نړیواله کچه منزوي ده او ملاتړ نه لري.
نوموړی زیاتوي، چې د ایران بهرنی سیاست بریالی دی او په خبره یې د اغېزناکو پالیسیو په جوړولو دوی بریالي شوي، چې نړیوال د ځان ملاتړي کړي.
د ظریف په خبره دوی په دې توانېدلي، چې امریکا ته په امنیت شورا کې تاریخي ماتې ورکړي.
د ملګرو ملتونو امنیت شورا په یوه مهمه غونډه کې د امریکا هغه پرېکړه لیک ته مثبته رایه نه ده ورکړې، چې له مخې یې باید پر ایران تسلیحاتي بندیز وغځوي.
په دې وروستیو کې د امریکا او ایران ترمنځ اړیکې ورځ تربلې ترینګلتیا پر لور روانې دي.
https://taand.net/%d9%81%d8%a7%d8%b7%d9%85%db%8c%d9%88%d9%86-%d8%b1%d8%b6%d8%a7%da%a9%d8%a7%d8%b1%d9%87-%da%89%d9%84%d9%87-%d8%af-%d9%82%d8%a7%d8%b3%d9%85-%d8%b3%d9%84%db%8c%d9%85%d8%a7%d9%86%d9%8a-%d8%af-%d8%ba%da%86/