تاند(پنج شنبه، د اسد ۲۳) د معارف وزیرې رنګینه حمیدي نن په یوه خبري کنفرانس کې وویل چې ښوونځیو ته د ټولو روغتیایي سپارښتنو په پام کې نیولو او پلي کولو سره امر شوی چې درسي بهیر پیل کړي.
د حمیدي په وینا، که په یوه میاشت کې په یادو ښوونځیو کې د کویډ ۱۹ ناروغۍ کومه مثبته پېښه ثبت نه شوه، ژر تر ژره به د دولتي ښوونځیو پاتې ټولګيو ته هم د درسي پروسې د پیل اجازه ورکړي.
د روغتیا وزیر احمد جواد عثماني په دغه کنفرانس کې یو ځل بیا وویل چې اوس مهال په هېواد کې د کورونا ویروس د مثبتو پېښو شمېر مخ په کمېدو دی.
عثماني له هېوادوالو وغوښتل چې د روغتیا وزارت ټولې سپارښتنې عملي کړي او په دې برخه کې بېغوري ونه کړي.
د کابینې د پرېکړې پر اساس، ټاکل شوې چې دغه ښوونځي د سنبلې یا وږي میاشتې پر لومړي نېټه پیل شي.