تاند (دوشنبه، د اسد ۲۰) افغان ولسمشر محمد اشرف غني نن ماښام د پاتې ۴۰۰ طالب بندیانو د ازادیدو فرمان لاسلیک کړ.
پرون د سولې مشورتي لویې جرګې د څلور سوه طالب بندیانو د ازادولو پریکړه وکړه او ولسمشر غني ژمنه وکړه، چې د جرګې پریکړو ته په احترام به دغه بندیان ازاد کړي.
ولسمشر غني دغه راز د حکومت په زندانونو کې د بندي امنیتي سرتیرو د خوشې کولو لپاره بل فرمان هم صادر کړی دی.
دغه دواړه فرمانونه نن په یوه رسمي مراسمو کې، چې په مرکز کې په لاره اچول شوي وو، د ولسمشرانو معاونینو ، قاضي القضات او د سترې محکمې قاضیان ، د لوی درستيزانو دفتر ، ولسمشر ته د کارمندانو رییس او د افغانستان حکومت لوی مذاکره کونکي پکې برخه اخیستې وه لاسلیک شول.
افغان ولسمشر د افغانستان د اساسي قانون د ۶۴مې مادې په ۱۸مه فقره کې د محکومیت په تعقیب ، او د سولې مشورتي لویې جرګې د غړو غوښتنې په پام کې نیولو سره د ۱۳۹۹لمریز کال د اسد ۱۷مه نیټه،ولسمشر د نظامي پرسونل بندیان چې د وروستۍ محکمې د پریکړې له مخې مجازات شوي وو، معاف یې کړل.
دغه راز د تخفیف او بښنې د فرمان ۱ ماده وايي:《 د جنایي کړنلارو د قانون د ۳۵۰ مادې او د ښځو پر وړاندې د تاوتر یخوالي د قانون د احکامو سره سم ، پرته له دې چې شرایط په پام کې ونیول شي، د نظامي پرسونل د بند د پاتې مودې پنځه کاله پورې په بند محکوم شول.》
د افغان ولسمشر دې اقدام عام افغانان سولې ته نور هم هیله من کړل او غواړي چې ژر بین الافغانی مذاکرات هم پیل او افغان وژنه بنده شي.