تاند (یکشنبه، د اسد ۱۹) د کابل پولیس وايي نن له غرمې وروسته شاوخوا ۳:۳۸ دقیقې د پینځمې امنیتي حوزې اړوند کمپنۍ بازار کې په یوه لاسي کراچۍ کې ځای پر ځای شویو چاودېدونکو توکو چاودنه کړې ده.
د کابل ولایت د پولیسو ویاند فردوس فرامرز وايي چې په دغه چاودنه کې دوه ملکیان وژل شوي او پینځه پولیس یې ټپیان کړي دي.
د فرامرز په خبره پولیسو غوښتل په لاسي کراچۍ کې ځای پر ځای شوي چاودېدونکي توکي شنډ کړي چې چاودنه یې کړې او یاده مرګژوبله یې اړولې ده.
د پېښې مسؤلیت تر اوسه کوم چا یا ډلې پر غاړه نه ده اخیستی.
دا پېښه د سولې لپاره د مشورتي لویې جرګې تر پای ته رسېدو څو شېبې وروسته واقع شوې ده.
لویه جرګه تر سختو امنیتي تدابیرو لاندې د اسد له ۱۷ تر ۱۹ په کابل کې تر سره شوه.
Peace is very important but Amrullah Salih the Agent of Ra and KGB doesn’t want peace in Afghanistan.