تاند(شنبه، د اسد ۱۸) امنیتي ځواکونو د بلخ ولایت په بلخ ولسوالۍ کې پر امنیتي پوستو د وسله والو طالبانو حمله شنډه کړې.
وسله والو طالبانو تیره شپه د بلخ ولسوالۍ د “وزیرآباد” په کلي کې د امنیتي ځواکونو پر پوستو برید وکړ.
د ملي دفاع وزارت په یوې اعلامیې کې ویلي چې امنیتي ځواکونو دغه برید شنډ کړ او طالبانو ته یې تلفات اړولي.
اعلامیه وايي چې په برید کې ۱۲ طالب وسله وال وژل شوي او څلور نور ټپیان شوي دي.
وسله والو طالبانو تراوسه په دې اړه څه نه دي ویلي.
دل لومړی ځل دی چې په بلخ کې د طالبانو برید ۱۶ تنه مړه او ټپیان کړل.