په ۳ بعدي چاپ د نازکو پُرزو جوړول

تاند- فورډ کمپنۍ وايي، داسي درې بعدي یا تري ډي مطبعه یې جوړه کړې چې د موټرو خورا حساسې او نازکې پُرزې یو ځای جوړولی شي.

دوی وايي چې تر دې وړاندې دا ډول پُرزې په درې بعدي چاپ تولید کېدای نه شوای.

دا چاپوونکی چې (Infinite Build ۳D) نومېږي، د (Stratasys) کمپنۍ له لوري جوړ شوی دی.

فورډ په نړۍ کې د موټر جوړولو لومړنی شرکت دی چې له ستراتاسیز ټکنالوژۍ په ازمېښتي ډول کار اخلي.

له دې چاپوونکي څخه حاضردمه په تجربوي ډول کار اخیستل کېږي خو د فورډ متخصصان وايي چې له درې بعدي چاپوونکي څخه په استفادې جوړې شوې پُرزې، هم د موټر وزن کموي او هم یې د تېلو مصرف لږوي.