تاند (سه شنبه، د سرطان ۳۱) د کرنې اوبو لګولو او مالدارۍ وزارت وايي په فاریاب کې یې نږدې دوو زرو مېرمنو ته د کار زمینه برابره کړې ده.
ددغه وزارت ویاند اکبر رستمي وايي یاد کاري فرصتونه د بڼوالۍ او مالدارۍ پروګرام له لوري برابر شوي دي.
د ښاغلي رستمي په خبره دغه مېرمنې له ګڼو اقتصادي ستونزو سره مخامخ وې چې اوسمهال د سبزیو او مېوو د پروسس په برخه کې په کار بوختې دي او کولی شي له دې لارې خپلې کورنۍ اقتصادي اړتیاوې پوره کړي.
د یادونې وړ ده چې د کرنې او مالدارۍ وزارت دغه پروژه په ۲۰۱۴ میلادي کال کې پیل کړې او له دې لارې یې نږدې ۶ زرو مېرمنو ته د کار کولو زمینه برابره کړې ده.