تاند( شنبه، دسرطان ۲۸) پښتون سیاستوال افراسیاب خټک د افغانستان په اړه د پاکستان د حکومت تګلاره ناسمه بولي.
خټک وايي، چې پاکستان د سیمې د ټولو هیوادونو او د افغانستان په اړه غلطه تګلاره لري او ټولې کړنې یې د افغانستان پر وړاندې ناسمې دي.
د هغه په وینا، پاکستان تل د وضعیت پراساس د افغانستان په اړه لنډمهاله پالیسي تعقیبوي.
افراسیاب خټک په افغانستان کې د سوداګرۍ وروستي محدودیتونه او د بندرونو بیا پرانیستو ته په اشارې سره وویل، چې د پاکستان حکومت د سمدستي غوښتنې خلاف عمل کوي.
د هغه په وینا ، پاکستان باید له افغانستان سره سالمې اړیکې ولري او خپل چلند په سم ډول او د اوږدمهاله ګټو پراساس تنظیم کړي.
هغه ټینګار وکړ، چې د طالبانو د ملاتړ پرځای پاکستان باید د افغانستان خپلواک حکومت ومني او له دې سره قوي اړیکې جوړې کړي.
افراسیاب خټک نه یواځې اوس دغه خبرې کړي دي بلکې له دې وړاندې یې هم پاکستاني چارواکې په افغانستان کې په لاسوهنو او دروغجن سیاست تورن کړي دي