تاند ( یکشنبه، د سرطان ۱۵) د ننګرهار ولایتي چارواکي وایي په دې ولایت کې جوړ شوي د غنمو ۸ نور ترېشرې هم تاجکستان ته صادر شول.

د ولایت ویاند عطاالله خوږيانی وايي دا تهرېشرې په دې ولایت کې جاوید افغان په نوم یوې فابریکې جوړ کړي وو او په خبره یې نن تاجکستان هېواد ته صادر شول.

له دې وړاندې هم د یادې فابریکې څخه ۱۲ تهریشرې له هیواده د باندې صادر شوي دي او په دې سره د صادر شویو تهریشرو شمیر ۲۰ ته ورسیده.

د فابریکې مسولان وایي ډیر ژر به له تاجکستان سربیره قرغزستان هیواد ته هم د تهریشرو صادرات پيل شي.

دو زیاتوي، چې په صادر شویو تهریشرو کې د هر یوه وزن ۱۷۵۰ کیلو ګرامه دی او هر یو یې دوه، دوه سوه زره افغانۍ قیمت لري.

ننګرهارکې یوځل بیا د کورونا ویروس له محدودیتونو وروسته د تولیدي شرکتونو فعالیت ښه شوی خو مسولین یې د بریښنا په برخه کې  د ستونزو یادونه کوي.

دوی وايي که دولت ورته د بریښنا د برابرولو په برخه کې اسانتیاوې برابرې کړې تولیدات به یې په نړیواله کچه شي.