تاند (چهارشنبه، د جوزا ۲۸) د افغانستان د کورنیو چارو سرپرست وزیر مسعود اندرابي وايي چې د پولیسو په موټرو کې جي پي ایس او په جنراتورونو کې د سینسور د لګېدو له کبله د کال ۱۵ ملیونه لیتره تیل بچ شوي.

د افغانستان د کورنیو چارو سرپرست وزیر مسعود اندرابي وايي چې د پولیسو په موټرو کې جي پي ایس او په جنراتورونو کې د سینسور د لګېدو له کبله د کال ۱۵ ملیونه لیتره تیل بچ شوي.

ښاغلي اندرابي پر خپله ټویټرپاڼه لیکلي، دا ۱۵ ملیون لیتره تېل، چې د یادو سیستمونو د کارولو له برکته بچ کېږي، د دولت خزانې ته د کال ۶۷۵ ملیون افغانۍ سپمېږي.

که څه هم ښاغلي اندرابي نه دي ویلي چې ایا دا تېل غلا کېدل او که نه، خو له کلونو راهیسې شکایت کېده چې د کورنیو چارو په وزارت کې فساد زیات دی او ځینې پولیس تېل په ازاد بازار کې پلوري.

د کورنیو چارو سرپرست وزیر هیله څرګنده کړې چې د روان کال تر پایه شل ملیونه لیتره نور تیل هم د دغو سیستمونو له کبله له حیف و میل کېدو وژغورل شي.