اختر د افغانانو لپاره د یوه مذهبي جشن ترڅنګ ملي مېله هم ده. افغانان په اختر کې ځیني دودونه لري چې نور اسلامي هیوادونه یې نه لري. او څومره اهمیت چې اخترونه په افغانستان کې لري په ډېرو اسلامي هیوادونو کې یې نه لري. مثلاً په ایران کې د کمکي اختر په مناسبت یوازې یوه ورځ رخصتي وي. محدود شمېر خلک د اختر لمونځ کوي. خلک یو بل ته د اختر مبارکي نه وايي. خو په افغانستان کې په اختر کې تقریباً ټول نوي کالي اغوندي، د یو بل کور ته د مبارکي ویلو لپاره ځي او تقریباً هر بالغ نارینه د اختر لمونځ کوي. د دې عکسونو اکثره تر اختر لږ مخکې اخیستل شوي دي.
