تاند / یکشنبه د وږي ـ سنبلې ۲۹مه/ د پنجشېر ولایت ویاند سیف الدین لټون رسنیو ته ویلي چې، د روسي ګرځندویانو یوې ۷۰ کسیزه ډلې د سیاحت په موخه پنجشېر ته سفر کړی دی.
لټون زیاته کړې چې، دغې ډلې په ۱۳ نقلیه وسایطو کې یاد ولایت ته سفر کړی دی.
د لټون په وینا دوی غواړي د پنجشېر له بېلابېلو سیمو لیدنه وکړي.
سیف الدین لټون ویلي، د روان ۱۴۰۵ لمریز کال له پیل راهیسې د ۵۰۰ بهرنیو ګرځندویانو په ګډون شاوخوا ۴۵۰ زره ګرځندویانو یاد ولایت ته د سیاحت او تفرېح په موخه سفر کړی دی.
د بهرنیو سیلانیانو راتګ کولی شي د افغانستان د اقتصاد، ګرځندوی صنعت او سیمهییزو کاروبارونو لپاره ښه فرصتونه رامنځته کړي.
د نظر خاوندان وایي، د تاریخي او طبیعي ځایونو معرفي کېدل، د سیاحتي خدمتونو پراختیا او د مناسب امنیت او اسانتیاوو برابرول کولای شي افغانستان د نړیوالو سیلانیانو لپاره لا جذاب کړي او د هېواد عایدات هم زیات کړي.