تاند (چهارشنبه، د زمري/ اسد ۲۱ که) ټاکل شوې ده چې د افغانستان او ایرلنډ د کرکټ ملي لوبډلې نن (چهارشنبه) د یو ورځنیو لوبو په څلورمه سیالۍ کې سره مخامخ شي.
دا مسابقه، چې د آیرلنډ په کوربه توب د آیرلنډ په مرکز بلفاست کې کېږي، د پنځو یو ورځنیو سیالیو د لړۍ څلورمه لوبه ده.
د دواړو لوبډلو ترمنځ لومړۍ سیالي د باران د اورېدو له کبله لغوه شوه خو دوهمه افغانستان په لوړ توپیر، یعني په ۹۲ منډو وګټله. درېیمه مسابقه هم افغانستان په ۳ ویکټونو او ۳۱ اضافي توپونو وګټله او ورسره یې د ۲۰۲۷ د یو ورځینو سیالیو نړیوال جام ته مستقیمه لار وموندله.
نن د دواړو لوبډلو سیالي به د افغانستان پر وخت د ماسپښین په ۲:۱۵ بجې پیل شي.
افغانستان هڅه کوي چې په پاتې دوې سیالۍ هم وګټي او له ایرلنډ سره د دې سیالیو لړۍ په بریالیتوب پای ته ورسوي.
په درېیمه سیالي کې د رحمان الله ګوربز له شې لوبې سره سره، که د راشد خان ښه باولینګ یا توپ وهنه نه وای ګرانه وه چې افغانستان دې آیرلنډ ته ماتې ورکړې وای.