د پاکستاني چارواکي ادعا؛ په افغانستان کې د پاکستان خلاف ۷ زره جنګیالي روزل کېږي

په اوس وخت کې د نړۍ هېڅ برخه د تکنالوژي او ستلایتونو د فعالیت له امله پټه نه ده پاتې.
د وسله والوموجودیت او روزل هغه هم د اسرائیلو او هند له خوا په افغانستان کې داسې یوه ادعا ده ، چې هيچاته د منلو نه ده .
طالبان یوه اسلامي افراطي ډله ده ، په مقابل کې پنجاب ، هند او اسرائیل بیا په غیر مذهبي په مدني او عصري قوانینو ولاړې ټولنې دي. دا څنګه امکان لري ، هغه ډله چې د دغو هېوادونو له خوا په رسمیت نه ده پېژندل شوې ، په اوس وخت کې هېڅ ډول سیاسي ، اقتصادي او مذهبي اړیکې له افغانستان او خصوصا له واکمنو طالبانو سره نه لري ، دوی به حاضر شي په افغانستان کې د اسرائیلو په مرسته او بیا د خپل سیاسي نظامي متحد پاکستان پرضد ترهګرې ډلې وروزي؟
د پنجاب واکمنان د خپلو خلکو په سترګو کې خاورې اچوي . که فرض کړو هند د پنجابي دیکتاتوری مخالف دی ، نو اسرائیل به څنګه حاضر شي د خپل سیاسي نظامي متحد یعنې پنجاب پرضد به له افغانانو سره مرسته وکړي. دا ناممکنه ده .
اسرائیل به د پاکستان د نظامي دیکتاتور او په اسفلسافلین کې مېشت جنرال ضیاالحق هغه مرسته چې د هغوی په امر یې له 25 تر 30 زره فلسطیني مبارزین په 1970 کلونو کې شهیدان کړل ، څنګه هېره کړي؟
«فَاعْتَبِرُوا يَا أُولِي الْأَبْصَارِ»