تاند (پنج شنبه د ثور/ غويي ۱۷مه) افغانستان کې د طالبانو د حکومت د ملي پراختیا شرکت وايي، د قوش تېپې کانال د دویم فاز کېندنې چارې په چټکۍ پیل شوې او ډېر ژر به بشپړې شي.
د دغه شرکت ویاند نبيالله ارغندیوال ویلي، چې د یاد کانال د سربند کارونه ۹۱.۸ سلنه پر مخ تللي دي.
د ارغندیوال په وینا د قوش تېپې کانال په مسیر کې د ۲۸ پلونو او د اوبو د مدیریت اړوند تاسیسات جوړول هم په چټکۍ روان دي او ډېر ژر به بشپړ شي.
نوموړي یاده پروژه د کرنیزو ځمکو د خوړوبولو، د خوړو د خوندیتوب، د کلیوالو د اقتصادي پياوړتیا او د وارداتو په کمښت کې مهمه یاده کړې.
د قوش تېپې کانال د افغانستان په شمال کې د اوبو د لېږد یوه مهمه پروژه ګڼل کېږي، چې موخه یې د کرنیزو ځمکو پراختیا ده؛ خو ورته مهال یې په ګاونډیو هېوادونو کې ګڼې اندېښنې راپارولې دي.
د ملا صیب د فرمان په اساس د ملی کلیمه له طالبی قاموس حذف شوی ده د ملی په ځای عمومی کلیمه استعمالیږی هسی نه چی د پوستین خبره ورڅخه جوړه نشی د ملی لپاره ټول شرکت لغو نه کړی لیکونکی باید له احطیات کار واخلی،