تاند (پنجشنبه، د کب/ حوت ۲۸ مه) د مسلمانو علماوو نړیوالې ټولنې (IUMS) په یوه خبرپاڼه کې په کابل کې د معتادانو پر روغتون د پاکستان حمله د اسلام له نظره ستره او تباکوونکې ګناه بللې ده.
دې ټولنې ویلي: “د مسلمانو علماوو نړیواله هغه څه څاري په ژوره اندېښنه څاري چې د دوو وروڼو او ګاونډیو هېوادونو ترمنځ پېښ شوي، چې د وینې بهېدو او ورانۍ سبب شوې ده. وروستۍ بېلګه یې هغه برید دی چې پر یوه طبي مرکز شوی او په پایله کې یې سلګونه کسان وژل شوي او ټپیان دي. دا کار په سترو او هلاکتبارو ګناهونو کې شمېرل کېږي. تر دې هم ډېر دردناک دا دی چې دا پېښه د روژې د مبارکې میاشتې په وروستیو لسو ورځو کې شوې ده. همدارنګه دا د ټولو نړیوالو قوانینو او اصولو ښکاره سرغړونه ده، ځکه دغه قوانین په هر حالت کې د روغتیايي مرکزونو ساتنه او د هغوی نه په نخښه کول تضمینوي.”
سره له دې چې ګڼو نړیوالو خبري اژانسونو، ملګروملتو او نورو خپلواکو ټولنو تایید کړې چې پاکستان پر بې ګناه ناروغانو خونړی برید کړی، د پاکستان پوځ او د اطلاعاتو وزیر د چهارشنبې په ورځ بیا ټینګار وکړ چې پوځي ځایونه یې ویشتي دي.