تاند (دوشنبه، د کب/ حوت ۲۵ مه) چین د دوشنبې په ورځ یو ځل بیا وړاندیز وکړ چې د افغانستان او پاکستان ترمنځ د روان تاوتریخوالي د کمولو لپاره به خپلو هڅو ته دوام ورکړي.
پاکستاني رسنیو نن راپور ورکړ چې د چین د بهرنیو چارو وزارت ویاند لین جیان وویل: «تر ټولو بیړنی کار دا دی چې د جګړې د پراخېدو مخه ونیول شي او دواړه هېوادونه ژر تر ژره د خبرو مېز ته راوګرځول شي.»
هغه زیاته کړه: «چین چمتو دی چې د افغانستان او پاکستان ترمنځ د پخلاینې او د اړیکو د ښه کېدو لپاره خپلو هڅو ته دوام ورکړي.» نوموړي وویل چې بېجینګ په وروستیو ورځو کې د دواړو خواوو ترمنځ د منځګړیتوب هڅې هم کړې دي.
دا څرګندونې څو ورځې وروسته له هغه کېږي چې د چین د بهرنیو چارو وزیر وانګ يي د افغانستان د بهرنیو چارو له سرپرست وزیر امیر خان متقي سره په ټېلفوني خبرو کې وویل چې د اسلاماباد او کابل ترمنځ شخړې باید د زور پر ځای د خبرو او مشورو له لارې حل شي.
همداراز د افغانستان په چارو کې د چین ځانګړي استازي د افغانستان او پاکستان ترمنځ د شخړې د پای ته رسولو لپاره د هڅو په لړ کې کابل او اسلاماباد ته سفرونه وکړل.
سلام
ډیره عالی ، روښانه علمی او دینی لیکنه ده په مناسبو اصطلاحاتو او مطالبو کې ترکیب شوې ده. کور ودان شینواریصاحب