تاند (دوشنبه د کب – حوت ۱۱مه) د افغانستان کرکټ رسنیو تاند ته ومنله چې، افغان لوبډله له هندۍ ملي لوبډلې سره یو ټیسټ او ۳ یو ورځنۍ لوبې پلان کړې دي.
کرکټ بورډ زیاته کړې چې، دغه لوبې به د روان کال په جون میاشت کې وشي.
دغه لوبې چې د هند په کوربتوب کیږي د جون میاشتې په شپږمه پیل او د همدې میاشتې تر شلمې دوام کوي.
تر دې وړاندې هند ویلي وو چې، له افغانستان سره یو ټیسټ او ۳ یو ورځنۍ لوبې کوي.
د دې لوبو تائید داسې مهال کېږي چې، افغان کرکټ ملي لوبډله د روانې مارچ میاشتې په ۱۳مه له سرېلانکا سره لوبلړۍ لري.
په دې لوبلړیو کې ۳ شل اووره او ۳ یو ورځنۍ لوبې شاملې دي چې کوربه توب یې افغانستان کوي.
د افغانستان او سریلانکا ترمنځ لوبلړۍ د افغانستان په کوربه توب کېږي