تاند ( چهارشنبه د سلواغې ـ دلوې ۲۹مه) د امریکا پوځي ځواکونو په ختیځ ارام سمندر او کارابین سمندرونو کې د نشهیي توکو د قاچاق په شکمنو کښتیو باندې په جلا جلا بریدونو کې ۱۱ کسان وژلي دي.
د رویټرز خبري اژانس په وینا، دا بریدونه د دوشنبې په ورځ، د فبروري په ۱۶ مه شوې دي.
رویټرز ویلي، چې د ټرمپ ادارې د تش په نامه “نشهیي توکو ترهګرو” په وړاندې د کمپاین ترټولو خونړۍ ورځې په نښه کوي.
د متحده ایالاتو سویلي قوماندې وویل چې، څلور کسان په لومړي برید کې (په ختیځ ارام سمندر کې)، څلور په دویم (ختیځ ارام سمندر کې) او درې په دریم (کارابین) کې ووژل شول.
ادعا کیږي چې کښتۍ د نشهیي توکو د قاچاق په پېژندل شویو لارو سفر کاوه او د نشهیي توکو د قاچاق په عملیاتو کې ښکیل وو.
د رویټرز د راپور له مخې د متحده ایالاتو سویلي قوماندې ادعا کړې چې کښتۍ د ټاکل شویو ترهګرو سازمانونو سره تړاو لري.
د امریکا لخوا په سمندر کې خپلسري عملیات د بشري حقونو د ډلو له خوا هم تر نیوکولاندې راغلي او پراخ غبرګونونه لري.
د بښنې نړیوال سازمان دا کار ډله ییز اعدامونه بللي دي.