تاند ( جمعه د سلواغې ـ دلوې ۱۰مه) د کندهار ځايي مسوولانو ویلي، چې روان۱۴۰۴ کال له کندهار نږدې ۲۳ زره ټنه انار بهرنیو هېوادونو ته صادر شوي دي.
د کندهار ولایت رسنیو دفتر ویلي، چې دغه صادرات د طالبانو د کرني، اوبو لګولو او مالدارۍ ریاست په هڅو د افغان ملي سوداګرو له لوري شوي دي.
سرچېنې لیکلي، یاده اندازه صادرات پاکستان، هند، سعودي عربستان، مالیزیا، ازبکستان، روسیه، قزاقستان، متحده عربي اماراتو او قطر هېوادونو ته شوي دي.
د یادونې ده، چې سږ کال له کندهار ولایت څخه شاوخوا ۲۷۴ زره ټنه انار راټول شوي دي.
د کندهار انار په هېواد دننه او دباندې دښه کیفیت او خوند له امله شهرت لري او هرکال یې حاصل ته بې شمېره مینه وال په تمه وي.