تاند ( دوشنبه د سلواغې ـ دلوې ۶مه) د طالبانو د حکومت ستري محکمې ویلي چې، په خوست ولایت کې یې ۳۶ کسان د خلکو پر وړاندې په دُرو وهلي دي.
یادې محکمې نن (دوشنبه) په یوه خبرپاڼه کې ویلي چې، دغه کسان یې د نشه يي توکو، نامشروع اړیکو او اخلاقي فساد په تور له ۱۰ څخه تر ۳۹ درې وهلي دي.
خبرپاڼه کې راغلي چې یاد کسان دغه راز له یوه کال څخه تر دوو کلونو په بند هم محکوم شوي دي.
دا یادونې وړ ده چې، پرون یک شنبه هم سترې محکمې په هرات کې یو کس د اخلاقي فساد په تور په دُرو وواهه او په بند یې هم محکوم کړ.
که څه هم په کور دننه او د باندې په ځلونو په عام محضر کې خلکو ته د سزا په ورکولو نیوکې شوي او د بندېدو غوښتنې یې شوي خو لاهم طالبان دا ډول سزاوو ته دوام ورکوي.