تاند ( دوشنبه د مرغومي ـ جدي ۲۹مه) د طالبانو د کورنیو چارو وزارت ویاند ومنله چې، د دغه ښار په شهرنو کې چاودنه شوې ده.
چاودنه له داسې هوټل سره شوې چې تر ډېره چینایان ورځي.
که څه هم طالب چارواکو اول ویل چې، هوټل کې د ګازو ډبه چاودلې، خو اوس خبره بدله شوه.
د کورنیو چارو وزارت ویاند عبدالمتین قانع رویټرز ته د چاودنې تایید سره ویلي چې، په دې پېښه کې څو کسان مړه او څو ټپیان دي.
د مرګ ژوبلې ارقام لا معلوم نه دي خو قانع وايي چې په دې هکله پلټنې روانې دي.
بل لورته سرچینو په دې پېښه کې تر دې د شلو کسانو د مرګ ژوبلې پخلی کړی چې روغتون ته وړل شوي.
له پېښې څخه خپاره شوېو ويډيوګانو کې لیدل کیږي چې د چيناییانو د یو رستورانت لوحه او تابلو سخته زیانمنه شوې ده.
راپورونه وايي چې د چينايانو ترڅنګ، یو شمېر افغان وګړي هم ټپي شوي دي.