تاند ( شنبه د مرغومي ـ جدي ۶مه) کندهار کې د طالبانو د کرنې ریاست ویاند انجنیر محمد حنیف حقمل ویلي، قطر او متحده عربي امارتو ته د انارو د صادراتو لړۍ پیل شوه.
نوموړي زیاته کړې چې، په لومړۍ جوپه کې به له کندهاره ۲۰ ټنه انار ابوظبۍ او دوحې ښارونو ته صادر شي.
حقمل وایي، دغه اندازه انار د کندهار شوراندام سیمې څخه یادو هېوادونو ته صادریږي.
د یادونې ده، چې پاکستان سره د سوداګرۍ تر ځنډېدو وروسته د طالبانو حکومت بدیلو هېوادونو ته د افغاني تولیداتو د صادراتو هڅې پیل کړې.
تر دې وړاندې منځنۍ اسیا هېوادونو ته هم د انارو صادرات پیل شوي و.