تاند ( شنبه د لیندۍ ـ قوس ۲۲مه) هند ته د ارجنټاین د فوټبال ستوري لیونل میسي سفر په ګډوډیو پیل شو.
مېسي د شنبې په ورځ د کلکتې ښار په لوبغالي کې له ګډوډۍ سره مخ شو.
قهرېدلو مینهوالو وروسته له هغه چې، مسي یې ونه لیده ګډوډي وکړه.
مسي یوازې شاوخوا ۲۰ دقیقې د کلکتې د سالټلېک په لوبغالي کې حاضر شو،مینه والو یې چیغې وهلې، او هر یوه هڅه کوله مسي سره وګوري، خو د زرګونه مینه والو په منځ کې دا چاره ناممکنه او میسي له میدانه ووت.
خو مینه والو یې څوکۍ ماتې او میدان ته یې وغورزولې.
د راپورونو له مخې، یوه مینهوال یې ویلي، چې نندارچیانو د ټکټونو د پېر لپاره تر ۱۲ زره هندي روپیو په دې خاطر مصرف کړې وې، څو میسي وګوري.
دی وایي آن په دې هم بریالی نشو چې، د هغه څېره وویني.