تاند (سې شنبه د لیندۍ ـ قوس ۱۸مه) د پښتو موسیقۍ د ځلاندې ستورې، مېرمن قمرګلې د مړینې درې کاله پوره شول.
هغې د پښتو موسیقۍ لپاره د خپل مېړه او د افغانستان د خدای بخښلي هنرمند، استاد محمددین زاخېل سره یوځای نه هېرېدونکې هڅې کړې دي.
د هغې زوی، ایمل زاخېل په خپله فېسبوک پانه لیکلي، چې مور یې یوازې هنرمنده نه وه، بلکې د وطن د مینې، درد او احساس غږ و.
قمرګله په ۲۰۲۲ د ډیسمر په ۹مه په ۷۰ کلنۍ کې له خپل وطنه لرې په جلا وطنۍ کې د ناروغۍ له امله مړه شوه.
مېرمن قمرګلې ۱۹۵۲ کال کې د ننګرهار ولایت په شګې سیمه کې دې نړۍ ته سترګې غړولې وې.