تاند ( دوشنبه د لیندۍ ـ قوس ۱۷مه) د طالبانو د حکومت د کورنيو چارو وزرات په کابل کې د ۱۲۰۰ يو کيلي او بېاسنادو موټرو له ودرولو خبر ورکړی دی.
د ياد وزارت وياند عبدالمتين قانع ويلي چې، یاد شمېر موټر د دې وزارت د عامه امن پوليسو او د کابل ترافيک پوليسو رياست په همکاري نيول شوي دي.
نیول شوې موترې د پوليسو ښارګوټي ته لېږدول شوي دي.
د نوموړي په وينا، د کابل په دروازو او بېلابېلو سیمو کې د ترافیک پولیسو په همغږۍ د تلاشۍ محلونه جوړ شوي او د بېاسناده وسایطو د تګ او راتګ مخه نیول شوې ده.
دا په داسې مهال ده چې د طالبانو د حکومت ياد وزارت تر دې وړاندې يوې خبرپاڼې له مخې هېوادوالو ته خبرداری ورکړی وو، څو په کابل کې د يو کيلي او بېاسنادو موټرو له ګرځولو ډډه وکړي.