تاند (پنجشنبه د لړم ـ عقرب ۲۳مه) د کډوالۍ نړیوال سازمان (IOM) خبر ورکړی، چې د لېبیا په سمندر کې د یوې کښتۍ د ډوبېدو له امله ۴۲ کډوال تري تم دي.
د لیبیا ځایي چارواکو ویلي چې، په دغه کښتۍ کې ټول ۴۹ کډوال سپاره وو، چې ۷ تنه یې ژغورل شوي دي.
د کډوالۍ نړیوال سازمان ویلي، چې دغه کډوال د سوډان، نایجریا، کامرون او سومالیا هېوادونو دي.
د راپورونو له مخې، د لادرکه شویو کډوالو د وژل کېدو خبرونه تر اوسه رسماً تایید شوي نه دي.
ملګري ملتونه وايي، چې دا پېښه په تېر یوه کال کې د مرکزي مدیترانې په مسیر کې د کښتۍ د ډوبېدو د پېښو یوه برخه ده، چې سږکال تر زرو ډېر کډوال پکې وژل شوي دي.