تاند (شنبه د لړم ـ عقرب ۱۰مه) د طالبانو د حکومت د ارشاد، حج او اوقافو وزارت وایي،چې د تېر کال حاجیانو ته د اضافه شوو پیسو د بېرته ورکړې لړۍبشپړېدو ته نږدې شوې ده.
یاد وزارت زیاتوي چې، تېر کال حاجیانو د حج له لګښتونو اضافه شوو پیسو د ورکړې لړۍ درې میاشتې وړاندې پیل شوې، چې له مخې یې هر حاجي ته ۳ زره ۹۳۶ افغانۍ بېرته ورکول کیږي.
یاد وزارت لیکلي چې، د تېرې پنجشنبې تر ورځې ۷۹ سلنه حاجیانو ته شاوخوا ۹۰ میلیونه افغانۍ بېرته ورکړل شوې دي.
سرچینه دغه راز زیاتوي، چې د حاجیانو خدمت یې شرعي مسؤلیت دی او د اضافي پیسو ورکړې لړۍ به تر بشپړېدو پر مخ وړي.