تاند (پنجشنبه د لړم ـ عقرب لومړۍ) د طالبانو د حکومت د صنایعو او سوداګرۍ وزیر نورالدین عزیزي د یو لوړ پوړي پلاوي په مشرۍ د ترکمنستان د حکومت پر بلنه په عشقآباد کې د تېل او ګاز په دېرشم نړیوال نندارتون او کنفرانس کې ګډون وکړ.
دا کنفرانس د لوړ پوړو چارواکو، څانګهوالو ( متخصصینو) او د نړیوالو شرکتونو د استازو په شتون کې ترسره شو.
دا نندارتون په سیمهییزه کچه د اقتصادي همکاریو او انرژۍ د پراختیا لپاره یو اړین فرصت ګڼل کیږي.
د دې نندارتون او کنفرانس په څنډه کې نورالدین عزیزي له یو شمېر دولتي چارواکو او بهرنیو پانګوالو سره ولیدل او د اقتصادي اړیکو په پراختیا، پانګونې او تېل، ګاز او اړوند صنایعو کې د ګډې همکارۍ په اړه اندونه وړاندې شول.