تاند (چهارشنبه د تلې ـ میزان ۱۶مه) حماس غورځنګ یو ځل بیا ټینګار کړی چې د قطر په منځګړتوب د امریکا د ولسمشر، ډانلډ ټرمپ له لوري وړاندیز شوي اوربند ته چمتو دي.
خو دغه غورځنګ زیاتوي، چې دې اوربند ته یې خپل شرایط لا پر ځای دي.
رویټرز خبري اژانس په یوه راپور کې ویلي، چې د حماس غورځنګ سیاسي مشر، خلیل الحیه رسنیو ته ویلي، هغوی تضمین غواړي چې روان هرڅه به بیا نه تکراریږي.
د اوربند خبرې داسې مهال کیږي چې الجزیرې په یوه راپور کې ویلي، د ټرمپ له لوري د اوربند طرحې تر وړاندې کېدو وروسته هم پر غزې بریدونه دوام لري او تر ۱۰۰ زیات کسان تر اوسه شهیدان شوي دي.