تاند (پنجشنبه، د وږي/ سنبلې ۶ مه) د طالبانو د بهرنیو چارو وزارت په ننګرهار او خوست ولایتونو کې د پاکستان د هوایي بریدونو له کبله په کابل کې د پاکستان سفیر احضار کړ .

په دې بریدونو کې لږترلږه درې ملکي وګړي وژل شوي او اووه نور ټپیان شوي دي.

په کابل کې د پاکستان شارژدافېر/ سفیر ته په سپارل شوې اعتراضي یادښت کې د افغان چارواکو له لوري دا بریدونه د افغانستان د هوایي حریم او ملي حاکمیت ښکاره سرغړونه بلل شوي دي.

وزارت د دیورند کرښې ترڅنګ پر ملکي سیمو بمبارۍ یوه “لمسوونکې او غیرمسوولانه کړنه” بللې چې د سیمې امنیت له ګواښ سره مخامخ کوي.

پاکستان پر وسله‌والو ډلو تور پورې کوي چې د افغانستان له خاورې څخه د پاکستان پر خاوره بریدونه کوي، خو افغان چارواکي دغه ادعاوې ردوي او ټینګار کوي چې د اسلام‌اباد پوځي عملیات اکثره وخت ملکي وګړي په نښه کوي.

د پاکستان حکومت تر اوسه د وروستي اعتراض او همدارا د حملو څه نه دي ویلي.