تاند (جمعه، د زمري/ اسد ۳۱ مه) په یو تراکتور پورې تړل شوی ټریلر د جمعې په ورځ په هلمند ولایت کې سیند ته ولوېد، چې له امله یې د ښځو او ماشومانو په ګډون ۱۲ تنه مړه شول.
د هلمند ولایت د اطلاعاتو او فرهنګ رئیس حافظ عبدالـباري راشد هلمندي رسنیو ته وویل چې قربانیان له ګرمسیر څخه د نادعلي ولسوالۍ پر لور روان وو. له سیند څخه د تېرېدو پر مهال د تراکتور ټریلر له بېړۍ څخه اوبو ته ولوېد.
د هغه په وینا، په پېښه کې ۳ ښځې او ۹ ماشومان مړه شوي، او ۴ نور ماشومان ټپیان شوي دي.
هلمندي زیاته کړه چې امنیتي ځواکونه پر وخت ځای ته ورسېدل او ۱۴ تنه یې ژغورلي دي.
د جنت دروازی خلاصی دی افغانان یا موټر کی د هرات په لاره سوځي ور روان دی یا جلال اباد کی نیم نیم درجن په چړو حلالیږی ور روان دی یا سیند کی ډوبیږی او مخامخ جنت ته روان دی، یا ځانوژنه کوی… هی هی جاهل قومه !