تاند『جمعه د زمري ـ اسد ۳مه』د فرانسې ولسمشر ایمانویل مکرون ویلي، فرانسه به ډېر ژر د یو خپلواک هېواد په توګه فلسطین په رسمیت وپېژني.
مکرون په خپله اېکس پاڼه لیکلي، دغه پرېکړه به د روان کال سپټمبر میاشت کې د ملګرو ملتونو عمومي اسمبلې کې اعلان کړي.
مکرون زیاته کړې چې، د عادلانه او تلپاتې سولې لپاره د خپلې تاریخي ژمنې په پوره کولو کې فرانسې پرېکړه کړې، چې د فلسطین دولت په رسمیت وپېژني.
نوموړی وایي، اوس غزه کې د جګړې درولو او ملکي وکړو ژغورلو بېړنۍ اړتیا ده.
مکرون همداراز ټینګار کړی، چې غزه کې باید سمدستي اوربند وشي، ټول بندیان خوشې او د غزې خلکو ته په پراخه کچه مرستې ورسیږي.
که فرانسه، فلسطین په رسمیت وپېژني، دا به د G7هېوادونو ډلې لومړنی هېواد وي چې فلسطین د یو خپلواک هېواد په توګه په رسمیت پېژني.